ന്യൂഡല്‍ഹി: ഓക്സിജന് ക്ഷാമം നേരിടുന്ന ഇന്ത്യയ്ക്ക് സഹായ വാഗ്ദാനവുമായി ഖത്തറും. ക്രയോജനിക് ടാങ്കറുകള്‍ ഉപയോഗിച്ച്‌ ദിവസവും 40 മെട്രിക് ടണ്‍ വീതം ലിക്വിഡ് ഓക്സിജന് ആസാമിനു നല്‍കുമെന്നു ഭൂട്ടാന്‍ അറിയിച്ചു. കിഴക്കന്‍ ഭൂട്ടാനിലെ സാംദ്രുപ് ജോംഗ്ഖര്‍ ജില്ലയിലെ മൊട്ടാംഗ ഇന്‍ഡസ്ട്രിയല്‍ എസ്റ്റേറ്റിലെ പുതിയ പ്ലാന്‍റില്‍ നിന്നാണ് ഇന്ത്യയിലേക്ക് ഓക്സിജന് നല്‍കുക.
'ഇന്ത്യയ്ക്ക് ഓക്സിജന് നല്‍കുന്നതു കോവിഡിനെതിരായ പോരാട്ടത്തില്‍ വിജയിക്കാനും വിലയേറിയ ജീവന്‍ രക്ഷിക്കാനുമുള്ള ശ്രമങ്ങളെ സഹായിക്കും.
ഇന്ത്യയുമായുള്ള അതുല്യമായ അടുപ്പത്തിന്‍റെയും സൗഹൃദത്തിന്‍റെയും പ്രായോഗിക പ്രകടനമാണിത്'- ഭൂട്ടാനിലെ ഇന്ത്യന്‍ മിഷന്‍ പ്രസ്താവനയില്‍ അറിയിച്ചു.
ഭൂട്ടാന്‍ കമ്ബനിയായ എസ്ഡി ക്രയോജനിക്സ് ഗ്യാസ് പ്രൈവറ്റ് ലിമിറ്റഡാണു പുതിയ പ്ലാന്‍റ് സ്ഥാപിച്ചത്. ഈ കമ്ബനിയില്‍ 51 ശതമാനം ആഭ്യന്തര നിക്ഷേപവും 49 ശതമാനം ആസാം ആസ്ഥാനമായുള്ള ഇന്ത്യന്‍ കമ്ബനി മേഘാലയ ഓക്സിജന് പ്രൈവറ്റ് ലിമിറ്റഡിന്‍റെ എഫ്ഡിഐ നിക്ഷേപവുമാണ്.