തിരുവനന്തപുരം: കോവിഡ് വ്യാപനം രൂക്ഷമായിക്കൊണ്ടിരിക്കുന്ന
സാഹചര്യത്തിൽ സംസ്ഥാനത്തെ സ്കൂളുകളിൽ ഒന്നുമുതൽ 9വരെ ക്ലാസുകളിലെ കുട്ടികൾക്ക് ജനുവരി 21 മുതൽ സ്കൂൾ പഠനം നിർത്തിവയ്ക്കുന്നതുമായി ബന്ധപ്പെട്ട കർശന മാർഗ്ഗനിർദ്ദേശങ്ങൾ പൊതുവിദ്യാഭ്യാസ വകുപ്പ് പുറത്തിറക്കി.
നിർദേശങ്ങൾ ഇവയാണ്
👉 ഒന്നുമുതൽ 9വരെ ക്ലാസുകളിൽ പഠിക്കുന്ന കുട്ടികൾ ജനുവരി 21 മുതൽ
രണ്ടാഴ്ച കാലത്തേക്ക് സ്കൂളുകളിൽ വരേണ്ടതില്ല. രണ്ടാഴ്ച്ച കഴിഞ്ഞ് സ്ഥിതി
ഗതികൾ വിലയിരുത്തിയ ശേഷം തുടർ നിർദ്ദേശങ്ങൾ നൽകും.
👉 10,11,12 ക്ലാസ്സുകളിലെ കുട്ടികൾക്ക് തുടർന്നും സ്കൂളിൽ ക്ലാസ് നടക്കും.
👉 എല്ലാ സ്കൂളുകളുടേയും ഓഫീസ് നിലവിലെ കോവിഡ് നിയന്ത്രണങ്ങൾക്ക് അനുസരിച്ച് പ്രവർത്തിക്കേണ്ടതും എല്ലാ അദ്ധ്യാപകരും സ്ക്കൂളിൽ ഹാജരാകേണ്ടതുമാണ്.
👉കൈറ്റ് വിക്ടേഴ്സിലൂടെയുള്ള ഡിജിറ്റൽ ക്ലാസുകൾ തുടരുന്നതും പുതിയ
ടൈംടേബിൾ കൈറ്റ് പ്രസിദ്ധീകരിക്കുന്നതുമാണ്.
👉 ജനുവരി 22, 23 തീയതികളിൽ എല്ലാ
ഹൈസ്കൂൾ, ഹയർസെക്കണ്ടറി,
വൊക്കേഷണൽ ഹയർസെക്കണ്ടറി വിഭാഗങ്ങളിലും ശുചീകരണ/അണുനശീകരണ പ്രവർത്തനങ്ങൾ നടത്തേണ്ടതാണ്.
👉സെക്കന്ററി/ഹയർസെക്കന്ററി/വൊക്കേഷണൽ ഹയർ സെക്കന്ററി സ്കൂളുകളിൽ ക്ലസ്റ്ററുകൾ രൂപപ്പെട്ടാൽ ആരോഗ്യവകുപ്പ് അധികൃതരെ അറിയിച്ച് രണ്ടാഴ്ച വരെ അടച്ചിടാൻ പ്രിൻസിപ്പൽ/ പ്രഥമാദ്ധ്യാപകർ എന്നിവരെ ചുമതലപ്പെടുത്തി.
സ്കൂളുകളിൽ ആരംഭിച്ച ‘വാക്സിനേഷൻ ഡ്രൈവ്’ പരിപാടി തടസ്സമില്ലാതെ നടക്കുന്നുണ്ടെന്ന് ബന്ധപ്പെട്ട വിദ്യാഭ്യാസ ഓഫീസർമാർ ഉറപ്പുവരുത്തണം.
ഡിജിറ്റൽ /ഓൺലൈൻ ക്ലാസുകളുമായി ബന്ധപ്പെട്ട നിർദ്ദേശങ്ങൾ
👉ഒന്നു മുതൽ ഒമ്പതുവരെ ക്ലാസ്സുകൾ വീണ്ടും ഡിജിറ്റൽ പഠനത്തിലേക്കും
ഓൺലൈൻ പഠനപിന്തുണയിലേക്കും മാറുന്നതിനാൽ പഠനതുടർച്ച ഉറപ്പുവരുത്തണം.
👉കുട്ടികളെ പഠനത്തിൽ സജീവമായി നിലനിർത്തുന്നതിനുള്ള പ്രവർത്തനങ്ങൾ
നൽകേണ്ടതാണ്.
👉 രക്ഷിതാക്കളുമായുള്ള ആശയവിനിമയത്തിന് ഡിജിറ്റൽ പ്ലാറ്റ്ഫോം ഫലപ്രദമായി ഉപയോഗപ്പെടുത്തണം.
👉 സമഗ്രശിക്ഷാ, എസ്.സി.ഇ.ആർ.ടി. എന്നിവരുടെ സഹായത്തോടെ
ലഭ്യമാക്കിയിട്ടുള്ള വർക്ക്ഷീറ്റുകൾ ഉപയോഗപ്പെടുത്തേണ്ടതാണ്.
👉 സ്കൂൾതല എസ്.ആർ.ജി.കൾ ഫലപ്രദമായി ചേരേണ്ടതാണ്. കുട്ടികളുടെ
പഠനപുരോഗതി കൃത്യമായി നിരീക്ഷിച്ച് ആവശ്യമായ ഫീഡ്ബാക്ക് നൽകണം.
👉 കുട്ടികളിലുണ്ടാകുന്ന പഠനപുരോഗതി സ്റ്റുഡന്റ് പ്രൊഫൈലിൽ നിരന്തരം
രേഖപ്പെടുത്തുകയും വേണം.
മലയോര മീഡിയ
👉 എല്ലാ കുട്ടികൾക്കും ഡിജിറ്റൽ ക്ലാസ്സുകൾ കാണുന്നതിനാവശ്യമായ സാങ്കേതിക
സൗകര്യമുണ്ടെന്ന് പ്രഥമാദ്ധ്യാപകന്റെ നേതൃത്വത്തിൽ ഓരോ സ്കൂളും ഉറപ്പുവരുത്തണം.
👉 ഓരാ കുട്ടിയുടേയും പ്രൊഫൈൽ
ക്ലാസ് അദ്ധ്യാപകർ തയ്യാറാക്കി നിരന്തരം
നവീകരിക്കണം. ഇതിനായി ഡിജിറ്റൽ പ്ലാറ്റ്ഫോമുകളും ഉപയോഗപ്പെടുത്താം.
ഹയർസെക്കന്ററി/വൊക്കേഷണൽ ഹയർസെക്കന്ററി ലാബ് പ്രവർത്തനങ്ങൾ
കോവിഡ് മാനദണ്ഡങ്ങൾ കൃത്യമായി പാലിച്ചുകൊണ്ട് നടത്തേണ്ടതാണ്.
👉 .കുട്ടികളുടെ വായന പ്രോത്സാഹിപ്പിക്കാൻ ഈ സന്ദർഭം ഉപയോഗപ്പെടുത്തണം.
അനുയോജ്യമായ പുസ്തകങ്ങൾ കുട്ടികൾക്ക് ലഭ്യമാക്കാൻ നടപടി സ്വീകരിക്കണം.വായനാക്കുറിപ്പുകൾ അവതരിപ്പിക്കാനും വായനാനുഭവം പങ്കുവെക്കാനും പുസ്തകചർച്ചകൾ നടത്താനും ഡിജിറ്റൽ പ്ലാറ്റ്ഫോമുകൾ ഫലപ്രദമായി ഉപയോഗപ്പെടുത്തണം.
👉ഓാരാ ഡിജിറ്റൽ ക്ലാസ്സിനും തുടർച്ചയായി ഓൺലൈനിൽ പഠനപിന്തുണാ പ്രവർത്തനങ്ങൾ ആസൂത്രണം ചെയ്യണം.
👉 കുട്ടികളുടെ സർഗ്ഗശേഷികൾ പ്രകടിപ്പിക്കുന്നതിന് അവസരമൊരുക്കണം.
അതവരുടെ ആത്മവിശ്വാസം വർദ്ധിപ്പിക്കും.
👉 ഓൺലൈൻ പഠനവുമായി ബന്ധപ്പെട്ട് കുട്ടികൾക്ക് അനുഭവപ്പെടുന്ന
പഠനസമ്മർദ്ദങ്ങൾ ലഘൂകരിക്കുന്നതിന് ആവശ്യമെങ്കിൽ രക്ഷിതാക്കളുമായി ചേർന്ന് പ്രത്യേകം കൗൺസിലിംഗ് പ്രോഗ്രാമുകൾ സംഘടിപ്പിക്കാവുന്നതാണ്.
👉ഭിന്നശേഷി കുട്ടികളുടെ കാര്യത്തിൽ അനുയോജ്യവും ഫലപ്രദവുമായ
രീതിശാസ്ത്രം അവലംബിക്കാൻ പ്രിൻസിപ്പാൾമാർ പ്രഥമാദ്ധ്യാപകർക
ക്ലാസ്സദ്ധ്യാപകർ എന്നിവർ പ്രത്യേകം ശ്രദ്ധിക്കേണ്ടതാണെന്ന് പൊതുവിദ്യാഭ്യാസ ഡയറക്ടർ പുറത്തിറക്കിയ മാർഗനിർദേശത്തിൽ പറയുന്നു