78-ാമത് ഗോള്ഡന് ഗ്ലോബ് പുരസ്കാരങ്ങള് പ്രഖ്യാപിച്ചു. ഫെബ്രുവരി മൂന്നിനാണ് അവാര്ഡിന് അര്ഹരായവരുടെ നോമിനേഷനുകള് അനൗണ്സ് ചെയ്തത്. ശേഷം ഫെബ്രുവരി 28 നാണ് (ഇന്ത്യയില് മാര്ച്ച് 1 നും). പുരസ്കാരങ്ങള് പ്രഖ്യാപിക്കപ്പെട്ടത്. മികച്ച ചിത്രമായി ഡ്രാമ തിരഞ്ഞെടുക്കപ്പെട്ടു. കൊവിഡ് പ്രതിസന്ധികള് കാരണം രണ്ട് മാസം വൈകിയാണ് പുരസ്കാരങ്ങള് വിതരണം ചെയ്തിരിക്കുന്നത്.
അവതാരകര് വേദിയിലും നോമിനേഷനിലുള്ളവര് വീട്ടില് നിന്നും സുരക്ഷിതരായിട്ടുമാണ് ചടങ്ങില് പങ്കെടുത്തത്. ഇത്തവണത്തെ ശ്രദ്ധേയമായ കാര്യവും ഇത് തന്നെയാണ്. ലോകമെമ്പാടും കൊവിഡ് പടര്ന്ന് പിടിക്കുന്ന സാഹചര്യത്തിലാണ് ഷോ നടത്താന് പുതിയ രീതി പരീക്ഷിച്ചത്. ലോസ് എഞ്ചല്സിലും ന്യൂയോര്ക്കിലുമായി നടന്ന ചടങ്ങില് ആമി പോഹ്ലറും ടീന ഫെയും ചേര്ന്നാണ് അവതരിപ്പിച്ചത്.