മാധ്യമപ്രവര്ത്തകയോട് അപമര്യാദയായി പെരുമാറിയതിന് നടന് അലന്സിയറിനെതിരെ പോലീസില് പരാതി. തിരുവനന്തപുരം റൂറല് എസ് പി ഡി. ശില്പയ്ക്കാണ് പരാതി ലഭിച്ചത്. മാധ്യമ പ്രവര്ത്തകയോട് ലൈംഗിക ചുവയോടെ സംസാരിച്ചെന്നാണ് പരാതി. കഴിഞ്ഞ ദിവസം സംസ്ഥാന ചലച്ചിത്ര അവാര്ഡ് വിതരണ ചടങ്ങില് അലന്സിയര് നടത്തിയ വിവാദ പ്രസ്താവനയില് പ്രതികരണം ചോദിച്ചപ്പോഴാണ് റിപ്പോര്ട്ടര് ചാനലിലെ വനിത മാധ്യമ പ്രവര്ത്തകയോടാണ് അലന്സിയര് അപമര്യാദയായി പെരുമാറിയത്.
കേരള സംസ്ഥാന ചലച്ചിത്ര പുരസ്കാര വിതരണ വേദിയില് നടന് അലന്സിയര് നടത്തിയ പരാമര്ശം വിവാദത്തിലായിരുന്നു പെണ് പ്രതിമ നല്കി പ്രലോഭിപ്പിക്കരുതെന്നും സ്വര്ണ്ണം പൂശിയ പ്രതിമയാണ് സമ്മാനമായി നല്കേണ്ടതെന്നുമായിരുന്നു അലന്സിയര് പറഞ്ഞത്. സ്പെഷ്യല് ജൂറി പുരസ്കാരം വാങ്ങിയ ശേഷമുള്ള മറുപടി പ്രസംഗത്തില് ആയിരുന്നു നടന്റെ പ്രതികരണം. ഇതിന്റെ വീഡിയോകളും വാര്ത്തകളും പുറത്തുവന്നതിന് പിന്നാലെ സോഷ്യല് മീഡിയയില് രോഷം കത്തുകയാണ്.