ഡല്ഹി: സിബിഎസ്ഇ പത്താം ക്ലാസ് പരീക്ഷ ഫലം പ്രഖ്യാപിച്ചു. വിദ്യാർഥികള്ക്ക് results.cbse.nic.in, cbse.gov.in, തുടങ്ങിയ ഔദ്യോഗിക വെബ്സൈറ്റുകള് വഴി മാർക്ക് ലിസ്റ്റുകള് പരിശോധിക്കാം.
സ്കൂള് നമ്പർ, റോൾ നമ്പർ,അഡ്മിറ്റ് കാർഡ് ഐഡി, ജനന തീയതി, സെക്യൂരിറ്റി പിന് എന്നിവ നല്കി ലോഗിൻ ചെയ്താല് സ്കോർ കാർഡ് ലഭ്യമാകും.
ഏകദേശം 25 ലക്ഷം വിദ്യാര്ഥികളാണ് ഫെബ്രുവരി 17 മുതല് മാര്ച്ച് 11 വരെ നടന്ന പത്താം ക്ലാസ്സ് പരീക്ഷ എഴുതിയത്. ഇത്തവണ ഡിജി ലോക്കർ (results.digilocker.gov.in), ഉമംഗ് (UMANG) ആപ്പ് എന്നിവ വഴിയും ഫലമറിയാൻ സൗകര്യം ഒരുക്കിയിട്ടുണ്ട്. വെബ്സൈറ്റുകളിലെ തിരക്ക് ഒഴിവാക്കാൻ വേണ്ടിയാണ് ഈ സൗകര്യം.
ഇൻ്റർനെറ്റ് സേവനം ലഭ്യമല്ലാത്തവർക്ക് എസ്എംഎസ് വഴി ഫലം അറിയാനുള്ള സൗകര്യവും ബോർഡ് ഒരുക്കിയിട്ടുണ്ട്. ഐവിആർഎസ് വഴി ഡല്ഹിയിലുള്ളവർക്ക് 24300699 എന്ന നമ്പറിലും, രാജ്യത്തിൻ്റെ മറ്റ് ഭാഗങ്ങളിലുള്ളവർക്ക് 011-24300699 എന്ന നമ്പറിലും വിളിച്ചാല് ഫലം അറിയാൻ സാധിക്കും. 7738299899 എന്ന നമ്പറിലേക്ക് സിബിഎസ്ഇ10 റോള് നമ്പർ, ജനന തീയതി, സ്കൂള് നമ്പർ, സെൻ്റർ നമ്പർ എന്ന സന്ദേശം അയച്ചാല് ഫലം മൊബൈലില് ലഭ്യമാകും.