തിരുവനന്തപുരം: കേരളം നല്ല സ്ഥലമാണെന്നും കേരളത്തിലുള്ള ജനങ്ങൾ നല്ല മനുഷ്യരാണെന്നും കുംഭമേളയിലെ വൈറല് താരം മൊണാലിസ ഭോസ്ലെയും പങ്കാളി ഫര്മാന് ഖാനും. തിരുവനന്തപുരത്ത് വെച്ച് വിവാഹിതരായത്തിന് ശേഷം ഇരുവരും മാധ്യമങ്ങളോട് സംസാരിക്കുകയായിരുന്നു . എല്ലാവരും തങ്ങളെ സ്നേഹത്തോടെ സ്വീകരിച്ചു എന്നും ഇരുവരും കൂട്ടിച്ചേർത്തു. ആറു മാസമായി ഇരുവരും പ്രണയത്തിലായിരുന്നു. കേരളത്തില് തന്നെ തുടരുമോ എന്നത് ആലോചിക്കുമെന്ന് അവർ പറഞ്ഞു . മൊണാലിസയുടെ പിതാവ് വേറെ വിവാഹം ആലോചിച്ചപ്പോഴാണ് ഇങ്ങനെ ഒരു കല്യാണത്തെ കുറിച്ച് തീരുമാനിച്ചത്. തങ്ങളുടെ ബന്ധം പിതാവ് അംഗീകരിക്കുമോ എന്നതില് ഉറപ്പില്ലെന്നും മൊണാലിസ പറഞ്ഞു.
പൂവാറിനടുത്തുളള അരുമാനൂര് നൈനാര് ക്ഷേത്രത്തില് വെച്ചായിരുന്നു ഇരുവരുടെയും വിവാഹം. മഹാരാഷ്ട്ര സ്വദേശിയും നടനുമായ ഫര്മാന് ഖാനാണ് മൊണാലിസയുടെ വരന്. ഗുരുദേവ പ്രതിഷ്ഠക്ക് മുമ്പില് നടന്ന ചടങ്ങിൽ മേൽശാന്തി കണ്ണൻ പോറ്റിയാണ് വിവാഹത്തിൻ്റെ കാർമികത്വം വഹിച്ചത്.
വിവാഹച്ചടങ്ങില് സിപിഐഎം സംസ്ഥാന സെക്രട്ടറി എം വി ഗോവിന്ദന്, മന്ത്രി വി ശിവന്കുട്ടി, ജില്ലാ സെക്രട്ടറി വി ജോയ്, എ എ റഹിം എംപി എന്നിവര് പങ്കെടുക്കുകയും ഇരുവർക്കും ആശംസകൾ നേരുകയും ചെയ്തിരുന്നു. കേരളം മാനവസൗഹൃദത്തിന്റെ ഇടമാണെന്നും ഏത് മതത്തില് പെട്ടവരെയും വിവാഹം കഴിക്കാനുള്ള അവകാശം ഈ രാജ്യത്തുണ്ടെന്നും എ എ റഹിം മാധ്യമങ്ങളോട് പറഞ്ഞു. മാനവ സൗഹൃദത്തിന്റെ ഇടമാണ് കേരളം. ഏത് മതത്തില് പെട്ടവരെയും വിവാഹം കഴിക്കാനുള്ള അവകാശം ഈ രാജ്യത്തുണ്ട്. ഭരണഘടന നല്കുന്ന അവകാശമാണത്. എന്നാലത് പലയിടത്തും സാധ്യമാകുന്നില്ല. എന്നാൽ, ഇത് നിര്ഭയം സാധ്യമാകുന്ന ഏക ഇന്ത്യന് സംസ്ഥാനമാണ് കേരളം. വിവാഹം സ്വര്ഗത്തിലാണ്. അതെ, ആ സ്വര്ഗത്തിന്റെ പേരാണ് കേരളം', എന്നും അദ്ദേഹം പറഞ്ഞു അദ്ദേഹം പറഞ്ഞു.