ക്രിപ്റ്റോ കറൻസി തട്ടിപ്പ് കേസിൽ നടിമാരായ കാജൽ അഗർവാൾ, തമന്ന ഭാട്ടിയ എന്നിവരെ ചോദ്യം ചെയ്യും. ഇരുവരും മൂന്ന് കോടിയിലേറെ രൂപയുടെ തട്ടിപ്പ് നടത്തിയെന്നാണ് പരാതി. പുതുച്ചേരി പൊലീസിന്റേതാണ് ഈ നീക്കം. വിരമിച്ച സർക്കാർ ജീവനക്കാരൻ നൽകിയ പരാതിയിലാണ്‌ പൊലീസിൻ്റെ ഈ നടപടി. ക്രിപ്റ്റോ കറൻസി നിക്ഷേപ പദ്ധതിയിൽ പരാതിക്കാരനായ വിരമിച്ച സർക്കാർ ജീവനക്കാരൻ വഞ്ചിക്കപ്പെട്ടുവെന്നാണ് പരാതിയിൽ പറയുന്നത്.
കോയമ്പത്തൂർ ആസ്ഥാനമായി പ്രവർത്തിച്ച ഒരു കമ്പനിയുടെ പ്രചാരണ പരിപാടികളിൽ നടിമാർ ഇരുവരും പങ്കെടുത്തിരുന്നു. 2022ൽ കമ്പനിയുടെ ഉദ്ഘാടനത്തിൽ നടി തമന്ന ഭാട്ടിയ മുഖ്യ അതിഥി ആയിരുന്നു. പ്രചാരണ പരിപാടികളിൽ കാജൽ അഗർവാളും പങ്കെടുത്തിരുന്നു. ഉദ്ഘാടനത്തിൽ പങ്കെടുത്തതിന് പുറമെ കമ്പനിയുമായി നടിമാർക്ക് ബന്ധം ഉണ്ടോയെന്നാണ് പോലിസ് അന്വേഷിക്കുന്നത്. ഈ കേസിൽ നേരത്തെ രണ്ട് പേർ നേരത്തെ അറസ്റ്റിലായിരുന്നു. പ്രതികൾ കേരളത്തിൽ അടക്കം തട്ടിപ്പ് നടത്തിയെന്നാണ് പോലിസിൻ്റെ നിഗമനം.