സംസ്ഥാനത്ത് ആകെ ആക്ടീവ് കൊവിഡ് കേസുകളുടെ എണ്ണം 727 ആയി
തിരുവനന്തപുരം :സംസ്ഥാനത്ത് ആകെ ആക്ടീവ് കൊവിഡ് കേസുകളുടെ എണ്ണം 727. കോട്ടയം, എറണാകുളം, തിരുവനന്തപുരം, പത്തനംതിട്ട, ആലപ്പുഴ ജില്ലകളിലാണ് കൂടുതല്‍ കേസുകള്‍ റിപ്പോര്‍ട്ട് ചെയ്തിരിക്കുന്നത്.
ദക്ഷിണപൂര്‍വേഷ്യന്‍ രാജ്യങ്ങളില്‍ റിപ്പോര്‍ട്ട് ചെയ്യപ്പെട്ട ഒമിക്രോണ്‍ ജെഎന്‍ വകഭേദം എല്‍എഫ് 7 ആണ് പടരുന്നത്. ജലദോഷം, തൊണ്ടവേദന, ചുമ, ശ്വാസതടസം തുടങ്ങിയ രോഗലക്ഷണങ്ങള്‍ ഉളളവരും പ്രായമായവരും ഗര്‍ഭിണികളും മറ്റ് രോഗങ്ങളുമുളളവരും മാസ്‌ക് ധരിക്കണം.
ആരോഗ്യപ്രവര്‍ത്തകരും മാസ്‌ക് ധരിക്കണം. കൊവിഡ് കേസുകളിലെ വര്‍ധന ആരോഗ്യവകുപ്പ് നിരീക്ഷിക്കുന്നുണ്ട്. കേസുകളില്‍ വര്‍ധനവുണ്ടായാല്‍ ആവശ്യമായ ആശുപത്രിക്കിടക്കയും ഐസിയു കിടക്കയും ഓക്‌സിജന്‍ ലഭ്യതയും ഉറപ്പുവരുത്തിയിട്ടുണ്ട്.
എലിപ്പനി പടരുന്നതിലും അതീവ ജാഗ്രതാ നിര്‍ദേശം നല്‍കിയിട്ടുണ്ട്. എലിപ്പനി പ്രതിരോധിക്കാനുളള ഗുളിക കഴിക്കണമെന്നും തിളപ്പിച്ചാറിയ വെളളം കുടിക്കണം.