തന്റെ ദീര്‍ഘദൂര ബഹിരാകാശ ദൗത്യത്തിലൂടെ സുനിത വില്യംസ് വാര്‍ത്തകളില്‍ ഇടം നേടുമ്പോള്‍ അവരുടെ കരിയര്‍, ശമ്പളം, ആസ്തി എന്നിവയെക്കുറിച്ച് അറിയാന്‍ പലരും ആകാംഷാഭരിതരാണ്. ഒന്നിലധികം ബഹിരാകാശ യാത്രകള്‍ നടത്തിയ പരിചയ സമ്പന്നയായ ഒരു ബഹിരാകാശ യാത്രിക എന്ന നിലയില്‍ നാസയില്‍ അഭിമാനകരമായ നിലയിലാണ് സുനിത വില്യംസ് ഉള്ളത്. എന്നാല, സുനിതാ വില്യംസിന്റെ ആസ്തിയും ശമ്പളവും എത്രയാണെന്ന് നിങ്ങള്‍ക്കറിയാമോ?
ലോകത്തിലെ ഏറ്റവും പ്രശസ്തമായ ബഹിരാകാശ ഏജന്‍സികളില്‍ ഒന്നാണ് നാസ. ബഹിരാകാശ യാത്രികര്‍ക്ക് നാസ ശമ്പളം നല്‍കുന്നതു യുഎസ് ഗവണ്‍മെന്റിന്റെ ശമ്പള സ്‌കെയിലിനെ അടിസ്ഥാനമാക്കിയാണ്.ഇത് GS -13 മുതല്‍ GS- 15 വരെയാണ്. സുനിത വില്യംസിനെപ്പോലെയുളള ഉയര്‍ന്ന പരിചയ സമ്പന്നരായ ബഹിരാകാശ യാത്രികര്‍ സാധാരണയായി GS-15 വിഭാഗത്തിലാണ് പെടുന്നതെന്ന് യുഎസ് മാധ്യമങ്ങൾ റിപ്പോർട്ട്
ചെയ്തിട്ടുണ്ട്. നാസയുടെ രേഖകള്‍ പ്രകാരം സുനിത വില്യംസിൻ്റെ വാര്‍ഷിക ശമ്പളം ഏകദേശം 1.26 കോടി രൂപയാണ്.
നാസ ബഹിരാകാശ യാത്രികർക്ക് ശമ്പളത്തിന് പുറമേ സമഗ്രമായ ആരോഗ്യ ഇന്‍ഷുറനസും, ബഹിരാകാശ യാത്രികർക്കും അവരുടെ കുടുംബത്തിനും മാനസിക പിന്തുണയും ജോലി സംബന്ധമായ അസൈന്‍മെന്റുകള്‍ക്കുള്ള യാത്രാ അലവനസുകളും വിവധ ആനുകൂല്യങ്ങളും നല്‍കുന്നുണ്ട്. Marca.com
നല്‍കുന്ന വിവരങ്ങള്‍ പ്രകാരം സുനിതാ വില്യംസിന്റെ ആസ്തി ഏകദേശം 5 മില്യണ്‍ ഡോളറാണ്. സുനിത വില്യംസ് നിലവില്‍ ടെക്‌സസിലെ ഹ്യൂസ്റ്റണിൽ ഫെഡറല്‍ മാര്‍ഷലായി ജോലി ചെയ്യുന്ന ഭര്‍ത്താവ് മൈക്കല്‍ ജെ. വില്യംസിനൊപ്പംതാമസിക്കുന്നത്.
2024 ജൂണ്‍ 5 ന് 10 ദിവസത്തെ ബഹിരാകാശ ദൗത്യത്തിനായി സുനിത വില്യംസും ബാരി ബുച്ച് വില്‍മോറും സ്പേസ് സ്റ്റേഷനില്‍ എത്തിയിരുന്നു. എന്നാൽ ബഹിരാകാശ പേടകത്തിലെ ചില സാങ്കേതിക പ്രശ്‌നങ്ങള്‍ മൂലം പല തവണകളിലായി നാസ അവരുടെ തിരിച്ചുവരവ് മാറ്റി വെക്കുകയായിരുന്നു. മാര്‍ച്ച് അവസാനത്തോടെ ഇരുവരും തിരിച്ചു വരുമെന്നാണ് കരുതുന്നത്.