ജാനകി സിനിമയിൽ പേരുമാറ്റിയതിനെ ട്രോളി മന്ത്രി ശിവൻകുട്ടി തിരുവനന്തപുരം :ജാനകി VS സ്റ്റേറ്റ് ഓഫ് കേരള സിനിമ വിവാദത്തില്‍ ട്രോളുമായി മന്ത്രി വി ശിവൻകുട്ടിയും സംവിധായകൻ ലിജോ ജോസ് പെല്ലിശേരിയും.സിനിമയിലെ കഥാപാത്രത്തിന്റെ പേര് 'ജാനകി വി' എന്നാക്കണമെന്ന് കഴിഞ്ഞ ദിവസം നിർദേശം ഉണ്ടായിരുന്നു.
സിബിഎഫ്സിയുടെ നടപടിയെ പരിഹസിച്ച്‌ സംവിധായകൻ ലിജോ ജോസ് പെല്ലിശ്ശേരിയും രംഗത്തെത്തി. 'വി ഫോർ……' എന്ന് അദ്ദേഹം ഫേസ്ബുക്കിൽ എഴുതി. ഇതിനു മറുപടിയായി
മന്ത്രിയുടെ മുഴുവൻ പേരായ 'വി ശിവൻകുട്ടി'എന്ന് മന്ത്രി പോസ്റ്റ് ചെയ്തു.
ജെഎസ്കെ വിവാദത്തില്‍ ഇതിന് മുമ്ബും സിബിഎഫ്സിയെ ട്രോളി മന്ത്രി രംഗത്തു വന്നിട്ടുണ്ട്. ജാനകിയെന്നത് സീതാദേവിയുടെ മറ്റൊരു പേരായതിനാലാണ് സിനിമയുടെ പേര് മാറ്റണമെന്ന് ആവശ്യപ്പെട്ടത് എന്ന സിബിഎഫ്സിയുടെ വാദത്തിനെയാണ് അന്ന് മന്ത്രി ശിവൻകുട്ടി പരിഹസിച്ചത്. 'എന്റെ പേര് ശിവൻകുട്ടി… സെൻസർ ബോർഡ് എങ്ങാനും ഈ വഴി..!!!' എന്നായിരുന്നു മന്ത്രിയുടെ പോസ്റ്റ്.
അതേസമയം സെന്‍സര്‍ ബോര്‍ഡിന് വഴങ്ങി ജെഎസ്കെ നിർമാതാക്കള്‍ രംഗത്തെത്തിയിരുന്നു. ചിത്രത്തിന്റെ പേര് മാറ്റാം എന്ന് നിര്‍മാതാക്കള്‍ ഹൈക്കോടതിയെ അറിയിച്ചു. ചിത്രത്തിന്റെ പേര് വി ജാനകി വേഴ്‌സസ് സ്റ്റേറ്റ് ഓഫ് കേരള എന്നാക്കും. വിചാരണ രംഗങ്ങളില്‍ ജാനകിയെന്ന പേര് മ്യൂട്ട് ചെയ്യാമെന്നും നിർമാതാക്കള്‍ ഹൈക്കോടതിയെ അറിയിച്ചു. കേസ് പരിഗണിക്കുന്നത് അടുത്ത ബുധനാഴ്ചത്തേയ്ക്ക് മാറ്റി.